Layung Panungtungan

Ku Muhamad Kusaéri

Carangcang tihang urang ngamimitian

Saban léngkah urang ngaliwatan wanci-wanci kahirupan

Urang sok teu sadar yén dina unggal léngkah

Ni’mat Gusti téh marengan

Mohokeun bayah nu teu eureun ngambekan

Mohokeun suku nu mantuan ngaléngkah

Létah nu satia maréngan nyarita

Jeung sakabéh nu napel na waruga

           

Kiwari wanci geus nepi ka tunggang gunung

            Srangéngé geus téréh reureuh

            Sariak layung geus gugupay

            Ngadagoan srangéngé di sareupna

Négla, 20 Désémber 2014